amalinks wokungena

Breaking News

Abalwela Ilungelo Loluntu Bakhuthaza Iqula Lika Ramaphosa Ukuthi Likhulume Labathunjwayo


UMongameli Cyril Ramaphosa loMongameli Emmerson Mnangagwa

Abalwela amalungelo oluntu bathi ukuze imizamo yeleSouth Africa yokudinga isisombululo kudaba lweZimbabwe iphumelele, kumele iqula kukaMongameli Cyril Ramaphosa lihlangane labantu abathunjwayo bahlukuluzwa kakubi abafana loNkosazana Noxolo Maphosa loMnu Tawanda Muchehiwa.

Ababili laba bathunjwe batshaywa ngabantu abanakanelwa ukuthi ngabezomvikela kumaviki asanda kwedlula.

UMongameli Ramaphosa wazise ngoMvulo ukuthi uzathumela iqula lesibili eHarare maduze ukuyahlangana labameli benhlangothi ezitshiyeneyo bekhulumisana ngodaba lokwephulwa kwamalungelo oluntu okubikwa kusenziwa nguhulumende kaMongameli Emmerson Mnangagwa.

Uthe njalo ibandla lakhe leANC lizasungula ezalo inkulumo lebandla leZanu PF eceleni ngodaba olufanayo lokuthi ilizwe lingakhitshwa njani edakeni eliphakathi kwalo.

Iqula likaRamaphosa elakuqala elihambe eZimbabwe ngenyanga edluleyo layaliswa nguMnangagwa ukuhlangana labamanye amabandla abagoqela abeMDC Aliance ngoba esithi akulahlupho elizweni.

Kodwa abanengi bathi uhlupho lukhona njalo bathi uRamaphosa kumele aphathe uMnangagwa lebandla lakhe ngesandla esiqinileyo nxa efuna ukuphumelela. Ukuhlaziya loludaba sixoxe lengcwethi kwezombusazwe uMnu Dumisani Nkomo.

please wait

No media source currently available

0:00 0:02:40 0:00


Facebook Forum

XS
SM
MD
LG