amalinks wokungena

Breaking News

UMeya weGwanda Ulandula Imbiko Ethi Usexexebuke Kubandla leMDC Alliance Waya Kwele MDC-T


UMayor weGwanda uMnu Jastone Mazhale

Umayor weGwanda uKhansila Jastone Mazhale uthi akusiqiniso ukuthi usetshiye ibandla leMDC Alliance waya kwele MDC-T njengalokho okutshiwo yilelobandla njalo uselobele isigaba seMatabeleland South egcizelela lokhu.

Isikhulumeli sebandla leMDC-T uMnu. Khaliphani Phugeni wethule umbiko esithi uhlangane lamakhansila wonke eGwanda ngeSonto, njalo athi ayathokoza ngokuba khona kwakhe kukanti azancedisa ukukhankasela lelibandla ukuze linqobe kukhetho lomnyaka ka 2023.

UMnu. Phugeni wathatha isithombe elamakhansila la, ayekhokhelwa nguMnu. Mazhale, umsekeli wakhe uKhansila Ponalo Maphala, elinye lamalunga edale lephalamende amele lesi isigaba, uNkosazana Lindiwe Maphosa, labanye. Omunye ukhansila wenqabile ukukhuluma ngaloludaba, njalo abanye aenelisanga ukukhuluma labo.

UMnu. Phugeni tshele iStudio 7 ukuthi kungenzeka ukuthi uKhansila Mazhale wesaba ukuhlukunyezwa libandla leMDC Alliance, kumbe njalo useguqule umcabango, kodwa yena uma ngamazwi akhe ngoba akulamuntu owayebanjwa ngamandla ukuvumelana leMDC-T emhlanganweni owaqhutshwa eGwanda.

Kodwa uKhansila Mazhale uthi babezixoxela nje loMnu. Phugeni ukuze bezwe ayezokutsho, njalo yena usekela umkhokheli weMDC Alliance uMnu. Nelson Chamisa, kukanti wavotelwa esikhundleni ngabasekeli bakhe.

please wait

No media source currently available

0:00 0:03:58 0:00


Facebook Forum

XS
SM
MD
LG