amalinks wokungena

Breaking News

Uhulumende Upha Imvumo Osomabhizimusi beVictoria Falls Ukuthi Bavule Amabhizimusi


IMpopoma zeVictoria Falls.

Uhulumende usenike imvumo amabhizimusi awokuzilibazisa kanye lokwethekelelana awe tourism, ukuthi eqalise ukusebenza kulandela ukuvalwa kwawo okwenyanga ezinhlanu ngendlela yokwenqabela ukumemetheka kwegcikwane leCOVID 19.

Umbiko lo ubikwa wethulwe ngumphathintambo obona ngezokwethekelelana uMnu. Nqobizitha Mangaliso Ndlovu, yena ogcizelele ukuthi inhlelo ezingaqhutshwa zibalisa ezezikepe, ezokugada indlovu, ezokweqela edongeni i bunjee jumping, ezendizamtshina zamahelicopter, ezokubuka inyamazana, lezinye ezinengi-nengi, kulandelwa indlela zokuzivikela kuCOVID 19.

Inengi labantu abasebenza kula amabhizimusi beselilahlekelwe yimisebenzi ngoba abanini bawo bengasenelisi ukubabhadala.

Umongameli Emmerson Mnangagwa usanda ukuvula ngokusemthethweni ukwethekelelwa kwalezi indawo ngabaselizweni; i domesti tourism ngenyanga edluleyo, Kodwa usomabhizimusi weVicoria Falls uMnu. Lawrence Ndiweni utshele uSithandekile Mhlanga weStudio 7 ukuthi lokhu akuncedanga ngoba kwakungelandizamtshina lokunye okokuthwala abasuka kwamanye amadolobo.

please wait

No media source currently available

0:00 0:03:59 0:00


Facebook Forum

XS
SM
MD
LG