Ezinye izakhamizi zeMatobo ezasezihlala ezintabeni ngemva kokubalekela amapholisa labotsheketsha abahlasele imizi yabo kwatshaywa abantu mahlayana ngoba babexotshe otsheketsha abafika bagebha amagodi bedinga igolide emangweni wabo, baze babuyela emizini yabo ngempelasonto.
Ibandla leMDC Allliance lenze umhlangano lamapholisa kunye lezinye ingatsha zikahulumende ngoMgqibelo bavumelana ukuthi ababaleka emizni bengaphenduka.
Kodwa abasakhulayo bebandla leMthwakazi babikwa beke bavimba amapholisa ukuthi asuke emhlanganweni lo baze baxolise ngokutshaya izakhamizi.
Imizamo yokukhuluma lamapholisa yehlule kodwa sixoxe lonobhala obona ngenhlalakahle kazulu kubandla leMDC Alliance esigabeni se Matabeleland South, uNkosazana Precious Ndlovu obesemhlanganweni lo ukuze sizwe okunengi ngaloludaba.
