amalinks wokungena

Breaking News

Umongameli Mnangagwa Ukhangelelwe Ukwethula Amazwi Akhe Namuhla Awomhlangano we U.N


Isigodlo se United Nations edolobheni le New York, sizakuba sibethwa ngumoya.

Umongameli Emmerson Mnangagwa ukhangelelwe ukwethula umbiko wakhe emhlanganweni womanyano wamazwe omhlaba owe United Nations General Assembly namuhla lapho akhangelelwe ukugcizelela ukuthi izijeziso ezetheswa eleZimbabwe ngamazwe aphetsheya zethulwe.

Umphathintambo kahulumende obona ngezobudlelwano lamanye amazwe uMnu. Sibusiso Moyo utshayele umongameli Cyril Ramaphosa weSouth Africa ihlombe ngokucanda indlela ngaloludaba kulowomhlangano.

Umongameli Ramaphosa, yena ongumgcinisihlalo weAfrican Union utshele lumbuthano ukuthi ngempela kufanele izijeziso lezi zesulwe kanye lalezo ezetheswa eleSudan ukwenzela ukuthi amazwe la enelise ukulwisana leCOVID 19 engela mpambaniso.

Abaphatheka kulumhlangano basebenzisa omabonakude njengoba kungahlanganwanga mathupha esigodlweni seUnited Nations eNew York khonapha eMelika njengenhlalayenza minyaka-yonke, ngenxa yegcikwane leCOVID 19.

Ukuhlaziya loludaba, uSithandekile Mhlanga weStudio 7 uxoxe loMnu. Bekezela Maduma Fuzwayo, ingcwethi ecubungula ezombusazwe.

please wait

No media source currently available

0:00 0:02:56 0:00


Facebook Forum

XS
SM
MD
LG