Kulandela Ingxabangxoza Ka Trump Lo Biden Sokuzaqiniswa Imithetho Yengxoxo-mpikaswano zeMelika

Ugatsha olukhangelane lokuqoqa ingxoxompikiswano phakathi kwalabo abancintisanayo kukhetho lukaMongameli waseMelika olweCommission on Presidential Debates luthi luzaguqula indlela ingxoxompikiswano lezi eziqhutshwa ngayo kulandela ingxabangxoza ebekhona phakathi kukaMongameli Donald Trump loMnu Joe Biden kumpikiswano yakuqala enziwe ngoLwesibili.

Ababili laba bangqikilane bajikelana amazwi aqatha njalo bathukana ngendlela etshiye inengi likhuza umhlola.

Lanxa abanengi besole uMnu Trump, bakhona abanye abasole uBiden. Kumbiko ewethule izolo iCommission on Presidential Debates ithe ikubone kufanele ukuthi iguqule indlela impikiswano lezi ezenziwa ngayo ukuze ezimbili eziseleyo ezizakwenziwa mhkala 15 lomhlaka 22 kulinyanga ziqhutshwe kuhle.

Mhlaka 7 ngeviki ezayo khona umsekeli kaTrump uMnu Mike Pence lomsekeli kaBiden uNkosikazi Kamala Harris bazadibana kumpikiswano efanayo.

Sibuze ocubungula ezombusazwe uMnu Effie Dlela Ncube ukuthi ubona ukufuthelana obekukhona kumpikiswano kaTrump loBiden kuchithekela na kumpikiswano le yabasekeli babo.

Embed share

Ingxoxo loMnu. Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:14 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala