Inhlanganiso emela izisebenzi, iZCTU, isisole uhulumende ngokwazisa ukuthi usezabhadala imuli zezisebenzi zakhe imali elingana leUS$500 alubana leso sisebenzi sithe safa.
Unobhala wogatsha olubona ngokwethulwa kwembiko uMnu Nick Mangwana wazise izolo ukuthi imuli le ngeyokuphathisa imuli zezisebenzi zikahulumende ngendleko zomngcwabo.
Uthe njalo uhlelo lolu soluqalisile ukusebenza.
Kodwa iZCTU ithi uhulumende kumele engezelele izisebenzi zakhe iholo zisaphila zenelise ukuphandela izimuli zazo hatshi ukugijimela ukuphathisa ngemali yemfa sezidlulile emhlabeni.
Izisebenzi zikahulumende ezinengi zihola imali ephansi kweUS$100 njalo sikhuluma nje ababalisi abanengi baphakathi kokukhalala umsebenzi. Sixoxe lonobhala jikelele weZCTU uMnu Japhet Moyo.
Lanxa iZCTU labanye bekusola okwenziwe nguhulumende, yena uhulumende uthi wenza konke akwenelisayo ukuthuthukisa inhlalakahle yezisebenzi zakhe.
Inhlanganiso zamatitshala lao zits uhulumende kumele abhadale izisebenzi zakhe zisaphila hatshi sezibhubhile.
