UMongameli Emerson Mnangagwa uthi mpela izijeziso lezi yizo ezibuyesala ngemuva ingqubelaphambili yelizwe. Kodwa isimanga yikuthi uMnangagwa esanda thatha intambo zombuso wathi abantu bengaqambizeli izijeziso zenotho kodwa basebenze gadalala ukuze umnotho welizwe uthuthuke.
NgempelaSonto bekulomcimbi wokukhuthaza amazwe angentshonalalanga ukuthi ekethise lezi zijeziso ukuze ilizwe livuselele umnotho walo.
Iphephandba le Herald belithe inhlnganiso ezimbalwa lamabandla aphikisayo abalisa eleMDC-T azaphatheka emcimbi obuphwe ukuthi Anti-Sanctions March.
Kodwa isikhulumeli sebandla le MDC-T uMnu. Khaliphani ulandule lokhu esithi lanxa besekela ukususwa kwama sanctions bevengekho emcimbini webandla leZanu PF.
Lokhu sikudaba lunye, ibandla lemdc alliance lithi uzulu kumele ananzelele ukuthi amasanctions awabekwanga libandla labo njalo izijeziso lezi ayisizo ezibangela ukungathuthuki komnotho kodwa kubangelwa yinkohlakalo, icorruption.
Sixoxe lomsekeli wesikhulumeli sebandla lemdc alliance, umnu. Felix Magalela Mafa Sibanda.