Ngesikhathi ilizwe leMelika lilinde impumela yokhetho uMongameli Donald Trump uthi kasoze asuke esihlalweni.
Ugatsha lwezomvikela, olwe FBI, solungezelele abalinda uMnu. Joe Biden kwafakwa lendizamtshina ebikwa ibhoda phezu komuzi wakhe.
Lokhu kulandela imbiko ebikwa yethulwe ngowake waba yisiphathamandla sikahulumende kaMongameli Donald Trump, uMnu. Steve Banon oyethule imbiko ethi kumele abalandeli baka Biden kumele basuselwe amanqe.
Yena uTrump ubikwa etshele iziphathamandla zakhe ukuba kasoze asuke esihlalweni noma kanjani.
Lokhu kuza ngemva kokwethulela umthethwandaba isicelo sokubala kakutsha amavoti ezigaba ezimbalwa lapho uTrump athi kwaba lokuqilibezela kusetshenziswa amavoti abantu ababhubhayo,esithi njalo iziphathamandla zebandla lakhe bezivinjwa ukuhlola ukubalwa kwamavoti.
Izolo eminye imisakazo kamabonakude ithe uTrump esethula imbiko yakhe esithi nguye owanqobayo kukhetho, yacitsha isithi akusiloqiniso.
UChris Gande weStudio Seven uxoxe lesizalwane seZimbabwe esihlala ngapha kweleMelika, uMnu. Phithizela Ngcobo ukuze sizwe imbono yakhe ngaloludaba.
Lokhu sikudaba lunye uSithandekile Mhlanga weStudio Seven uxoxe loNkosazana Sinini Linday Harmon Ncube, isizalwane seZimbabwe esihlala edolobheni le Ohio, owayevotisa kulokukhetho.