amalinks wokungena

Breaking News

Inhlanganiso yeChristian Alliance Iphathisa Isikolo Se John Tallach Esihlaselwe yiCOVID19


Coronavirus, Zimbabwe

Inhlanganiso yeZimbabwe Christian Alliance ithi iphuthume yayasiza abafundi besikolo seJohn Tallach Secondary School eMatabeleland North izolo, kulandela ukufunyanwa kwabantwana abedlula ikhulu beleCOVID 19 kulesi isikolo eseboarding.

Lokhu kwenzakala ugatsha olubona ngezempilakahle lusithi abanye njalo abantu abafika phose amatshumi amahlanu-50 sebetholakale beleCOVID 19 njalo isibulele ababili edolobheni lakoBulawayo kunsukwana ezedluleyo.

Sebefika phose inkulungwane eziyisitshiyagalombili-8945 asebahlaselwa yileligcikwane selokhu laqhamukayo ekuqaleni kwawonalo umnyaka.

Sokwatshona abangamakhulu amabili lamatshumi ayisithupha, kugcizelela ugatsha lwezempilakahle.

Umphathintambo obona ngezokwethulwa kwembiko uNkosikazi Monica Mutsvangwa utshele idale le Cabinet izolo ntambama ukuthi kufanele izikolo ezicabangela ukuthi kulabantwana abaleCOVID 19, njalo zingelamitshina eyeneleyo oyokubahlola, zivalwe besahlolwa, njalo kubuyele labo abazatholakala bengalalo.

Umqondisi weChristian Alliance uMfundisi Useni Sibanda uqala ngokuchasisela uSithandekile Mhlanga weStudio 7 ngokwenziwe yinhlanganiso yakhe esikolo seJohn Tallach.

please wait

No media source currently available

0:00 0:03:36 0:00


Facebook Forum

XS
SM
MD
LG