amalinks wokungena

Breaking News

Kulomunye Njalo Owako Bulawayo Obulewe yiCovid 19


Osebenza kwezempilakahle uhlola umtshayeli igcikwane le coronavirus. (Umfanekiso REUTERS/Philimon Bulawayo)
Osebenza kwezempilakahle uhlola umtshayeli igcikwane le coronavirus. (Umfanekiso REUTERS/Philimon Bulawayo)

Kulomuntu oyedwa obulawe ngumkhuhlane weCovid-19 njalo izolo koBulawayo kulandela ukubhubha kwabanye abane kulelidolobho ngoMvulo.

Lokhu kukhweze inani lasebebulewe ngumkhuhlane lo kulelidolobho kusukela mhlaka 1 kulinyanga laya kumatshumi amabili lantathu, 23.

Idolobho leli yilo elikhokhelayo ngenani labantu ababulawa yiCoronavirus elizweni lonke jikelele kulezinsuku kanye lababanjwa lumkhuhlane lilandelwa yizabelo zombili zeMatabeleland.

Ugatsha lwezempilakahle luthi phakathi kwabangamatshumi ayisitshiyagalolunye ababanjwe umkhuhlane lo izolo, abangamatshumi amabili lanhlanu ngabakoBulawayo.

Kulabangamatshumi amane lambili njalo abeMashonaland West, abalitshumi lanye abeMatabeleland South, abathathu beMasvingo, ababili beMashonaland Central labayisikhombisa beHarare.

Abafunyanwe sebesilile bayisitshiyagalolunye kuphela.

Inani lasebebanjwe umkhuhlane lo selokhu waqhamukayo elizweni lonke jikelele selifike ku9398 kuthi asebepholile bangu8297.

please wait

No media source currently available

0:00 0:03:17 0:00


Asebebhubhile bangu274 kuthi abalokhe begula baphose bafike kunkulungwane, 827. IBulawayo yiyo elabantu abagulayo abanengi, abangu233 ilandelwa yiMatabeleland North ele195.

Ukuhlaziya loludaba sixoxe lesiphathamandla senhlanganiso yeBulawayo Progressive Residents Association uMnu Thembelani Dube.

please wait

No media source currently available

0:00 0:03:17 0:00


XS
SM
MD
LG