amalinks wokungena

Breaking News

UMeya weHarare, uJacob Mafume Ubotshelwa Icala Lenkohlakalo


UMnu. Jacob Mafume, umeya weHarare. (Umfanekiso: C Mavhunga/VOA)

Umeya wedolobho leHarare olilunga leMDC Alliance uMnu Jacob Mafume ubotshiwe izolo esetheswa icala lokusebenzisa isikhundla ukwenza inkohlakalo kumbe Criminal Abuse of Office, ngesilungu.

Iphephandaba lobulembu ele Zimlive.com lithi igqwetha likamafume, uMnu. Tonderai Bhatasara, liveze ukuba uMafume ubotshelwe udaba oluphathelane lokuthengiswa kwezitanda zokwakha izindlu emuzini we Westlea ekuqaleni komnyaka engakakhethwa ukuba ngumeya., okulicala eselibotshelwe amanye amakhansila amanengi eMDC Alliance eHarare laseChitungwiza.

Isikhulumeli samapholisa uMnu Paul Nyathi utshele iStudio 7 ukuthi uzaveza okunengi ngaloludaba namuhla.

Ibandla leMDC Alliance lisole kakhulu ukubotshwa kukamafume lisithi kuveza sobala ukuhlukuluzwa kwamalunga alo nguhulumende.

Umafume wanqoba ilunga lebandla leMDC-T elalisekelwa libandla leZanu PF. Ukhangelelwe ukumiswa emthethwandaba namuhla.

UNtungamili Nkomo weStudio Seven uxoxe lomsekeli wesikhulumeli salelibandla uMnu Felix Magalela Mafa Sibanda.

please wait

No media source currently available

0:00 0:03:04 0:00


Facebook Forum

XS
SM
MD
LG