amalinks wokungena

Breaking News

Sokuqhamuke iCOVID-19 Kwesinye Njalo Isikolo eZimbabwe


FILE: Umkhuhlane weCOVID-19, owaqhamuke eJohn Tallach High School kumaviki ambalwa edluleyo, usuqahamuke leAnderson Secondary School duzane leGweru. (Photo: Zimbabwe Christian Alliance)

Abantwana besikolo abangamatshumi amabili sebehlolwe batholakala belomkhuhlane weCOVID-19 eAnderson Secondary School, duzane ledolobho leGweru.

Iphephandeba leChronicle libika ukuba abezempilakahle sebefake ikilinika kuleyondawo bavalela abantwana laba ukuba bangayibona abazali.

Lokhu kulandela ukuqhamuka komkhuhlane weCOVID-19 eJohn Tallach High School duzane lakoBulawayo, eMatobo Mission lezinye izikolo.

Izikolo zavulwa ngoMpandula lonyaka kulandela ukuvalwa kwazo ngoMbimbitho uhulumende ezama ukuvimba ukumemetheka komkhuhlane weCOVID-19.

Kwele Zimbabwe, abezempilakahle babika ukuba kulabantu abafika phose inkulungwane ezilitshumi – 9,822, asebehlolwe batholakala belomkhuhlane lo kuthi abafika phose inkulungwane eziyisitshiyangalombili lengxenye – 8,472 sebephephe kumkhuhlane weCoronavirus. Abafika phose amakhulu amathathu - 275 sebebhubha.

Facebook Forum

XS
SM
MD
LG