amalinks wokungena

Breaking News

Kuminyaka Edluleyo Ngalesiskhathi Bekugidwa Kujatshulwa Kodwa Lumnyaka Inengi Lithi Kunzima


Izisebenzi zikaLoliwe zitshengisela. (Photo: Thomas Chiripasi)
Izisebenzi zikaLoliwe zitshengisela. (Photo: Thomas Chiripasi)

Ngeminye iminyaka ilizwe lisami kakuhle ngalesi sikhathi umnyaka ususiyaphela kwakuyisikhathi sokujabula izisebenzi zithola iholo le bonus sokulungiselelwa ikhefu leKhisimusi. Kodwa lo umnyaka ugqitshwa inengi likhala ngokoma kwempilo okubangelwa yikungami kahle komnotho welizwe kunye lobhubhane lwe coronavirus.

Umkhokheli wenhlanganiso yezisebenzi, eye ZCTU, esigabeni seWestern Region, uMnu. Ambrose Sibindi, uthi njengenhlanganiso bakhuthaza abaqatshi ukuthi baphe izisebenzi iholo le bonus.

Ingcwethi kwezomnotho, uMnu. Anglistone Sibanda uthi abanengi abantu abasasebenzi ngalokho akula njabulo evame ukuba khona ngalesi sikhathi kweminye iminyaka.

Uhulumende uthi uzabhadala izisebenzi zakhe iholo le bonus njalo ezinye sezilitholile.

Umphathintambo wezezisebenzi zikahulumende, uMnu. Larry Mavima uthi izisebeni zizaphiwa iholo le bonus eliyisilinganiso sokungamatshumi amane ekhulwini, 40 percent.

Ngeminye iminyaka iholo le bonus landise ukuba liholo lesisebenzi eliphindwe kabili.

Isakhamuzi sesigaba seMatabaleland South, uMnu. Solani Njemnyama Moyo uthi njengoba inengi lingasasebenzi iholo le bonus liyingoma endala edina abayigidayo.

Umphathintambo wezemali, uMnu. Mthuli Ncube esethula uluhlu lwendleko kahulumende ngeviki edluleyo wazise ukuba abahola imali engaphansi kwenkulungwane ezinhlanu, $5 000 kabasoze bathathelwe umthelo we tax.

please wait

No media source currently available

0:00 0:05:41 0:00


XS
SM
MD
LG