amalinks wokungena

Breaking News

Sokuqhamuke Umkhakha weCoronivarus Obukhali eSouth Africa Lakwele Bhilitane


Isisebenzi salapho okwenziwa, edolobheni le Duesseldorf, Kwele Germany, Dec. 21, 2020.

Sokuqhamuke olunye uhlobo lwegcikwane le coronavirus elilobukhali kweBhilitane lase South Africa.

Iphephandaba le TimesLive elakwele South Africa lithi iziphathamandla zalelolizwe ziveze ukuba lumkhakha we coronavirus, omemetheka lula njalo ulobukhali obedlula icoronavirus ekhona lezinsuku, usukhona lase South Africa.

Lokhu sokubanele ukuthi amanye amazwe agoqela ele Germany le Switerland ukuthi avimbe abasuka kumbe ukuya kweleBhilitane lase South Africa.

Lokhu sokudale ukuxokozela kweleBhilitane; abantu bethenga ukudla lokunye okokusebenzisa ezindlini ngobunengi ezitolo osokubangele ukusilela kwenye impahla lokudla.

Sixoxe lesizalwane seZimbabwe esihlala kweleBhilitane, uMnu. Siphosenkosi Matshokomola Bhalule ukuze sizwe okunengi ngaloludaba.

Kunjalo nje, ugatsha lukahulumende weZimbabwe olwezempilakahle lubika ukuba kulabantu ababili ababulewe ngumkhuhlane we covid 19, lokhu kuvele kumanani ayethulwe izolo ntambama .

Kulabafika phose ikhulu, 97 abatholakale belegcikwane leli ngemva kokuhlolwa kwabantu abedlula inkulungwane ezimbili.

Inengi labo, abangamatshumi amahlanu, 50, bengabe Harare kulandele abako Bulawayo abalitshumi lasithupha, 16. Asebebulewe yilomkhuhlane elizweni selokhu waqhamuka sebengamakhulu amathathu lamatshumi amabili lambili, 322.

Facebook Forum

XS
SM
MD
LG