Umongameli Donald Trump useyale ukusayina ibill kade lizakwenza uhulumende asebenzise imali engama bhiliyoni angamakhulu ayithoba munwe munye, $900 million.
Imali le ibizasetshenziswa ukuvuselela umnotho welizwe kulandela ukuqhamuka kwegcikwane le coronavirus lokuphathisa abaswelayo ngalesi sikhathi sobhubhane lwe coronavirus.
Izizalwane zeMelika bezizaphiwa imali engamadola angamakhulu ayisithupha, $600, ngamunye.
UTrump uthi ufuna ukusayina umthetho ozakupha abantu imali ezinkulungwane ezimbili, $2 000 ngamunye.
Kodwa isimanga yikuthi uTrump lamalunga edale le senate bebesala ukuthi abatu baphiwe imali enengi.
Lokhu kwenzakala uTrump esuke esigodlweni se White House izolo esiya emuzini wakhe eMaralago edolobheni leFlorida ukuyaphumula ngekhefu le Khisimusi