Kuyaqhubeka Ukufuthelana eMelika Kulandela Udlakela Olubangelwe Ngabasekeli bakaTrump

Ukufuthelana kuyaqhubeka eMelika kulandela udlakela olwenziwe ngabasekeli bakaMongameli Donald Trump edale lephalamende eleCongress ngoLwesithathu.

Abasekeli bakaTrump babulale amafasitela bangena kulelidale ngodlakela njalo bamisa uhlelo lokwamukela ukukhethwa kukaMnu Joe Biden yilelidale besithi uTrump waqilwa.

UMongameli Trump nguye obetshele abantu laba ukuthi kumele bathathe ilizwe labo, lokuthi ukuze baphumelele kumele baqine hatshi ukuba mdambiyana.

Isehlakalo lesi sisolwe ngabantu abanengi abagoqela abebandla likaMongameli Trump elamaRepublicans kanye lelamaDemocrats.

Usomlomo wephalamende uNkosikazi Nancy Pelosi ukhuthaze umsekeli kaTrump uMnu Mike Pence izolo ukuthi aqale uhlelo lokususa uTrump embusweni olubizwa ngokuthi yi25th Ammendment phezu kwesehlakalo lesi ngobe enguye ophehle udlale lolu.

UPelosi lebandla lakhe bathi nxa uPence engehluleka bazaqala bona uhlelo lokumsusa embusweni uTrump olwe-impeachment. UBiden, ozangena embusweni mhlaka 20 kulinyanga usole kakhulu udlakela lolu.

Yena uTrump wethule umbiko laye izolo ntambama elusola loludlakela njalo ethembisa ukuthi uzaqhubela uBiden intambo zombuso ngokuthula.

Ingcwethi kwezombusazwe uMnu Effie Dlela Ncube utshele iStudio 7 ukuthi kulihlazo kakhulu okwenziwe ngabasekeli bakaTrump.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:26 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala