Intathelizindaba njalo ephatheke ekwethuleni indaba zemfanekiso kamabonakude, uHopewell Chin’ono usebotshiwe njalo.
UChin’ono ulobe ebulenjini bokuxhumana iTwitter esithi amapholisa asezombobha phezu kodaba lokuthi ipholisa latshaya labulala usane olwalubelethwe ngunina.
Lanxa usane lwatshaywa lipholisa kubikwa lungafanga.
Umfanekiso kamabonakude owasabala ebulenjini watshengisa union womntwana owatshaywayo edonsa ipholisa ngekhola umntwana ethuli njengani uqalekile.
Banengi abaloba ebulenjini be Internet bebona ingani umntwana wayesebhubhile abablisa isikhulumeli sebandla leMDC Alliance, uNkosazana Fadzayi Mahere, umgciningcebo walelobandla, uMnu. David Coltart labanye abanenginengi.
Umsekeli kamgcinisihlalo webandla leMDC Alliance, uMnu. Job Sikhala laye ulobe ku Twitter esithi amapholisa afuna ukumbopha phezu kodaba lunye.
Kodwa ubelokhu engakabotshwa sisiya emoyeni. Ababili laba sebeke babotshwa bavalelwa estokisini okwamaviki ambalwa.