USikhala, uMahere lo Chin'ono Bazalala Esitokisini Impelasonto Yonke

Isikhulumeli sebandla leMDC Alliance, uNkosazana Fadzayi Mahere lomsekeli kamgcinisihlalo webandla leli, uMnu. Job Sibanda bancitshwe ithuba lokuhlawulela imali yesibambiso namuhla.

Umahluli uMnu. Ngoni Nduna uthe uSikhala kasoze amuphe ithuba lokuhlawula ibail ngoba icala aletheswayo likhulu esithi umbiko awuthula ebulenjini owokuthi weyisa amapholisa.

Kodwa obengumeya wedolobho le Harare, uMnu. Jacob Mafume yena uhlawuliswe imali engamadola azinkulungwane ezine, $40 000.

Sixoxe lomsekeli wesikhulumeli sebandla leMDC Alliance, uMnu. Felix Magalela Mafa Sibanda ukuze sizwe imbono yebandla ngodaba lolu.

Embed share

Ingxoxo loMnu. Felix Magalela Mafa

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:21 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kolunye njalo udaba, uMahluli, uMnu. Benjamin Chikowero ufake eceleni isinqumo sakhe kudaba luka Arnold Kamudyariwa owazakala ngelokuthi DJ Fantan, uTafadzwa Kadzimwe odume ngelokuthi Levels lo wazakala ngelokuthi Damma yena engu Tinasshe Chanachimwe abagwetshelwa ukuhlala etilongweni okwenyanga eziyisithupha ngokuqoqa igigi lokwamukela umnyaka omutsha eMbare besephula iziqondiso zokulwisana le Covid 19.

Abane laba baphikisa isigwebo sabo.

.