Uhulumende uthi ukwehla kwenani labasinda emkhuhlaneni we covid 19, irecovery rate ngesingisi, kubangelwa yikusilela kwabalonda izigulane zalumkhuhlane, icontact tracing, ngoba leligcikwane selisabelele.
Izolo ugatsha lwezempilakahle luthi kulabangamatshumi amathathu ababulewe ngumkhuhlane we covid 19 kuthi abedlula amakhulu amathathu, 321 babanjwa igcikwane lecoronavirus.
Njengensukwini eHarare yikho okubanjwe abanengi, abedlula ilikhulu, 118 kwabhubha abalitshumi lane, 14, kulelidolobho.
Kuthi ezinye izigaba zelizwe zaba lamanani aphansi ababhu.
Kunani leli bonke bathelelwa leligcikwane elizweni ngaphandle koyedwa obevela kwele Botswana.
Kulabedlula amakhulu ayisithupha, 640, abasinde emkhuhlaneni lo, okulinani eliyisilinganiso esingamamatshumi ayisithupha, 60.7 percent, ekhulwini. Isigaba se Matabelaland South ngesinye esesihlaselwe kakhulu yileligcikwane.
Sixoxe lomela isigaba lesi lesi edale lephalamende, uNkosazana Lindiwe Maphosa saqala ngokumbuza ngokuthi unjani umumo wokumemetheka kwegcikwane le coronavirus kulesi sigaba?
