amalinks wokungena

Breaking News

Abathathu Abaphiwe Inhlonipho Yeqhawe Lesizwe Bazangcwatshwa Namuhla Embuthanweni Ozakhokhelwa nguConstantino Chiwenga


Umufi, uMnu. Sibusiso Moyo.

Uhulumende uthi abaphiwe inhlonipho yamaqhawe esizwe abathathu abathi; obengumphathintambo obona ngobudlelwano beZimbabwe lamanye amazwe uMnu Sibusiso Moyo, obengumphathintambo obona ngezokuhambisa, uMnu Joel Biggie Matiza kanye lowake waba ngumkhokheli wogatsha lwamajele, uMnu Paradzai Zimondi, bazabekwa eNational Hero’s Acre namuhla njengokulungiselela kwakhe.

Abathathu laba babulewe ngumkhuhlane weCovid-19 ngeviki edluleyo.

Unobhala kugatsha lwezokwethulwa kwemibiko, uMnu Nick Mangwana uthi osaphethe isikhundla sikaMongameli welizwe, uMnu Constantino Chiwenga, yena obekuthiwa kezwa kuhle emzimbeni nguye ozakhokhela umngcwabo wanamuhla.

USithandekile Mhlanga weStudio 7 wake waxoxa lomufi uMnu. Moyo, owalwa kumpi yenkululeko ekuviyo leZIPRA, owafika kusibanga sika Lieutenant General kubutho le ZNA, eseNew York ngomnyaka ka 2018. Asizweni ingxenye yalingxoxo.

please wait

No media source currently available

0:00 0:01:13 0:00


Kusenjalo, uMnu. Jorum Gumbo, ilunga ledale le politburo yebandla leZanu PF utshele uSithandekile Mhlanga weStudio 7 ukuthi kuzavunyelwa imuli lezihlobo ezimbalwa kuphela emathuneni eHeroes Acre eHarare namuhla labanye abalutshwana abavela ezigabeni ezehlukeneyo zelizwe ngenxa yegcikwane le coronavirus.

please wait

No media source currently available

0:00 0:02:28 0:00


Lokhu sikudaba lunye, kuhlaziya loludaba uNtungamili Nkomo weStudio 7 uxoxe locubungula ezombusazwe, uMnu Effie Dlela Ncube.

please wait

No media source currently available

0:00 0:03:11 0:00


Facebook Forum

XS
SM
MD
LG