amalinks wokungena

Breaking News

Constantino Chiwenga: Asisoze Sibambe Ngamandla Abangafuni Umjovo WeCoronavirus


Sebezahlatshwa abantu ijekiseni ye coronavirus.

Ugatsha lukahulumende olubona ngezempilakahle luthi igcikwane leCoronavirus lihlasele abantu abafika phose ikhulu; 93, labulala abane izolo kuphela.

Lokhu sokukhuphule inani lasebahlaselwa yileligcilwane selokhu laqhamukayo nyakanye, layafika kunkulungwane ezedlula ezintathu 3, 5 thousand, labulala 1, 4 thousand.

Kusenjalo, umphathintambo obona ngezempilakahle uMnu. Constantino Chiwenga utshele idale lephalamende namuhla ukuthi uhulumende uzakwamukela amajekiseni ama vaccines, awokuvikela ukumemetheka kwegcikwane leCoranavirus ngemva kwamaviki amabili sikhathi-sonke ukwenzela ukuthi uhlelo lokuhlatshwa kwabantu luqhubeke ngemfanelo.

Uthe abezempilakahle, okuyibo abahlatshwa kuqala, abasoze bebanjwe ngamandla ukwenza lokho ngakho bazazikhethela ukuthi bayawufuna umuthi lo kumbe hayi.

Ungezelele wathi imithi yama vaccines evele kweleChina izolo ikunkampani yeNatPharm lapho ezagcinwa endaweni eqandelelayo nge 2-8 degrees celcious ingakasetshenziswa.

Ukuze sizwe okunengi ngaloludaba, lembuzo ebuzwe ngamalunga edale lephalemende, sixoxe loMnu. Peter Moyo, omela iSoutherton kulelidale.

please wait

No media source currently available

0:00 0:03:02 0:00


Facebook Forum

XS
SM
MD
LG