Induna uVezi Maduna Mafu ubekiwe izolo emzini wakhe e Avoca eInsiza ngemva kokuba ibandla leZanu PF lingavumelananga ukuthi aphiwe inhlonipho yeqhawe lesizwe.
Isigaba seMatabelaland South kubandla leZanu PF sasihambise lesi sicelo kunkokheli yebandla ukuthi aphiwe isicoco sokuba liqhawe lelizwe kodwa kaphiwanga ngitsho lenhlonipho yeqhawe lesigaba lanxa kubikwa uhulumende ephathise ekungcwatshweni kwakhe ngemali ezinkulungwane ezinhlanu zamadola, $5 000.
Induna zona zivame ukuphiwe ingxenye yalimali emngcwabeni wazo.
Iziphathamandla zebandla leZanu PF, ezikhokhelwa ngumphathintambo wesigaba seMatabeleland South, uMnu. Abednico Ncube, yizo ebeziphethe umsebenzi wokuncwaba umuyi.
Sixoxe lomkhokheli webandla leMthwakazi Republic Party, uMnu. Mqondisi Myo, laye obekhona emngcwabeni lo.
Lokhu sikudaba lunye, ibandla leMDC Alliance lithumele amazwi enduduzo kumuli kamuyi, unduna uvezi maduna mafu. Ke sizwe amazwi kamsekeli wesikhulumeli salelibandla, umnu. Felix Magalela Mafu Sibanda.