amalinks wokungena

Breaking News

Usesenkingeni Udade Owaveza Imfihlo Zekamelweni loMnu. Temba Mliswa


Hon Themba Mliswa

Untombazana osakhulayo, uSusan Mutami, owaveza imfihlo zekamelweni ngesikhathi ethandaba lomela isigaba seNorton edale lephalamende, izolo uthe uvinjwe ukusuka elizweni ngoba usezamele abengumfakazi emthethwandaba.

Eloba enkundleni ye Twitter uMutami uthe ubefuna ukuya eDubai lomntwana wakhe kodwa wathi esegcekeni lendizamtshina watshelwa ukuthi akumelanga asuke elizweni.

UMutami wachaza ukuba uMliswa wayefuna ukufakela itshefu indodana kaMongameli Emmerson Mnangagwa njalo wathi ulolwazi lokubhonjwa okwenziwa uMnangagwa labasekeli bakhe uConstantino Chiwenga loMnu. Kembo Mohadi. UMliswa, ozithi ngumzukulu kaMnangagwa uyakuphika lokhu esithi uMutami usetshenziswa ngumphathintambo wezemvikela yesizwe, uMnu. Owen Ncube.

UMliswa uke wabotshwa ngeviki edluleyo esetheswa icala lokubuthanisa abantu abedlula amatshumi amathathu, okulicala phansi kwemigoqo yokwenqabela ukumemetheka kwegcikwane le coronavirus, lanxa lezi ezinye izindaba okuthiwa wazikhuluma, engazetheswanga. Sixoxe lentathelizindaba, uLeo Munhende, ongumunye wentathelizindaba ezazikhona lapho uMliswa aze abotshwe.

please wait
Embed

No media source currently available

0:00 0:02:03 0:00

Kolunye udaba olufanayo, sokuvele enye njalo ingxoxo egciniweyo kumakhalekhukwini ekamsekeli kamongameli welizwe, uMnu. Kembo Mohadi lelinye ikhosikazi elitshadileyo, etshengisa ukuba ababili laba bayake beye emacansini.

Iphephandaba lobulembu eleZimlive.com lethule ingxoxo lapho uMohadi akhuluma khona lomama osakhulayo, obethwe ngelithi Chevaughn, ukuthi ufuna ukuya ecansini lomama lo ozwakala kulingxoxo elabantwana abancane. esithi kezwa kuhle kodwa uMohadi yena esithi ufuna ukuya ecansini.

NgoMvulo kuvele enye njalo ingxoxo uMohadi exoxa ezamacansini lomunye njalo untombazana oyendileyo, uAbbigail Mumpande.

Facebook Forum

XS
SM
MD
LG