WASHINGTON D.C —
Ezinye izikhamizi zemaphandleni zithi azitholanga ulwazi olweneleyo ngemithi yama vaccines esiqalisile ukusetshenziswa elizweni ngakho kuzakuba lukhuni ukuthi zithathe inyathelo elifaneleyo.
Umgcinisihlalo wekhomithi ebona ngezempilakahle edale lephalamende uNkosikazi Ruth Labode utshele iStudio ukuthi abemaphandleni bengaba lalo ulwazi lwemithi le ngoba lusakazwa kubomamabonakude, njalo lulotshwa kumaphephandaba lemaphetshaneni ase makilinaka.
Kodwa uMnu. Vumani Ndlovu, isiphathamandla senhlanganiso elwela amalungelo ezakhamizi zemaphandleni; eye Rural Communities Empowerment Trust utshele uSithandekile Mhlanga weStudio 7 ukuthi izigaba ezinengi zeMaNdebeleni azifinyeleli lula imisakazo, amaphephandaba, kanye lamakilinika le.
