Uhulumende uthi zonke izifundi ezaloba umhloliso kaGrade Seven-wanyakenye kufanele ziqhubekele phambili ngezifundo zika Form One lanxa zingaphumelelanga kule imihloliso. cLokhu kuvezwe ngumphathintambo kahulumende obona ngezemfundo uMnu. Cain Mathema ephendula imbuzo edale lephalamende izolo.
Izikolo bezivaliwe okwesikhathi eside ngenxa yegcikwane leCOVID 19 eselimemethekile elizweni. Ezinye izikolo zama boarding zibikwa zikhetha izifundi ezaphumelelayo kulimihloliso kuphela.
UMnu. Mathema uthi uhulumende uqinisa inhlelo zokuthi abafundi beqhube izifundo zabo ngemfanelo besebenzisa imitshina yakulezi insuku.
Ukuze sihlaziye ukuthi inyathelo leli lingathinta njani ikusasa yabantwana besikolo , uSithandekile Mhlanga weStudio 7 uxoxe loNkosazana Melisa Chingwanana, umabhalane weMatabeleland South kunhlanganiso elwela amalungelo ababalisi bemaphandleni eye Almagamated Rural Teachers Union of Zimbabwe.
