amalinks wokungena

Breaking News

Kambe uBiti Engaba Waxotshelwa Ukuthi Wayesezaveza Inkohlakalo Kahulumende?


UMnu.Tendai Biti
UMnu.Tendai Biti

Umsekeli kamongameli webandla leMDC Alliance, uMnu. Tendai Biti uthi ukuxotshwa kwakhe edale lephalamende kujonge ukumenqabela, njengomgcinisihlalo wekhomidid yedale lephalamende ebona ngezemali, ukuthi acwayisise ngenkohlakalo ekungatsha zikahulumende.

UBiti utshele iphephandaba leDaily Maverick ukuthi ubesevele ememe umgcinisihlalo weZESA, uMnu. Sydney Gata ukuthi azochasisa ngokupha umsebenzi inkampani ye sakunda ukuthi yenze umsebenzi wokugaya amandla kagetsi edema kungasetshenziswanga umthetho we tender ikomidi kaBiti imise uMnu Gata, phambi kwayo ngeviki edluleyo mayelana ngaloludaba kodwa wangabi lempendulo ezicacayo.

Lokho kwenze uBiti ukuthi amlaye ukuthi ayedinga lezompendulo aphenduke lazo ngoMvulo.

UBiti uthi njalo ulobufakazi benkohlakalo kungatsha ezimbalwa zikahulumende kade semelele ukubethula edale lephalamende.

UBiti lamanye amalunga eMDC Alliance amahlanu axotshiswa kulelidale libandla labo lakudala elePeople’s Democratic Party (PDP).

Yiwo ke lumsebenzi ubiti labalwela ukuqeda inkohlakala abathi ulakho ukuphazamiseka.

UNtungamili Nkomo weStudio 7 ubuze ingcwethi kwezenotho uMnu Masimba Kuchera ukuthi ubona uGata ephenduka lempendulo lezi yini yen uBiti esexotshiwe?

please wait

No media source currently available

0:00 0:02:10 0:00


XS
SM
MD
LG