WASHINGTON D.C —
Inhlanganiso yeVictoria Falls Residents Association ithi izakhamizi ezinengi ziyehluleka ukuhlawula imithelo egoqela eyamanzi, eyezindlu kanye leyokubuthwa kwezibi kulandela ukukhwezwa kwayo ngesilinganiso sokungamakhulu amathathu, 300 percent nyakenye.
Ikhansili yahlela uluhlu lwendleko zayo zalonyaka, ibudget, ngemali yeMelika yangena kuUS$4,4 million.
Izakhamizi ziyayisola li-budget zisithi yiyo ebangele ukukhuphuka kwemithelo ngoba iphezulu kakhulu.
Zithi njalo umkhuhlane weCovid-19 utshiye zingelamali ngoba imisebenzi eminengi ivaliwe kwathi abanengi balahlekelwa zindlela ezitshiyeneyo zokuziphilisa.
UNtungamili Nkomo weStudio 7 uxoxe lesiphathamandla senhlanganiso yezakhamizi, eye Victoria Falls Residents Association uMnu Kelvin Moyo.
