amalinks wokungena

Breaking News

Igama Lejaha Eladubula Mahlayana eSupermarket Labulala Abantu KweleMelika Selize Lavezwa Igama


UAhmad Al Alissa
UAhmad Al Alissa

Ujaha odubule wabulala abantu abalitshumi edolobheni le Colorado ngoLwesibili usevezwe igama lakhe ngamapholisa emhlangaweni lentathelizindaba owenzwe izolo.

UAhmad Al Aliwi Alissa obeleminyaka engamatshumi amabili lanye, 21, wangenga esupermarket ethiwa King’s Soopers emini ngoMvulo wadubula mahlayana wabulala abantu ababalisa lepholisa elilodwa.

Amapholisa athi kuzathatha isikhathi ukuze babelolwazi lwenjongo yakhe.

Kodwa umfowabo, uAli Aliwi Alissa, uthi umnewabo engaba elomkhuhlane wengqondo njalo wayehlala esithi abanye bakhe esikolo bayamcothoza ngokuba ngowokholo lwesiMoslem, njalo behleka igama lakhe.

Ngokwesibili kamaviki amabili ukuthi kudutshulwe abantu mahlayana ezitaladeni. Ngeviki edluleyo kulomunye njalo undoda odubule wabulala abantu abayithoba minwe mibili edolobheni le Atlanta, eGeorgia.

Umongameli Joe Biden usole lesi sehlakalo esithi kumele kudingwe isisombululo kudaba lokutholakala lula kwemibhobho.

Sibuze isizalwane seZimbabwe esihlala ngapha kwelemelika, umnu. Raphael mthombeni ukuthi ulubona njani udaba lokudutshulwa kwabantu mahlayana zona inokheli zebandla lama Republicans zisithi abantu bengazaliswa ukuthenga imibhobho?

please wait

No media source currently available

0:00 0:03:07 0:00


XS
SM
MD
LG