Idolobho leVictoria Falls lithi selikhangelele ukusungulwa kwehlandla lesibili lohlelo lokuhlatshwa kwabantu ijekiseni yokwenqabela igcikwane leCOVID 19 kumkhosi ozaqhutshwa kulelidolobho lapho uMongameli Emmerson Mnangagwa akhangelelwe ukuthatha lumjovo okwakuqala.
Kunxuswe inkokheli yamabandla aphikisayo kodwa umkhokheli webandla leMDC Alliance, uMnu. Nelson Chamisa uthi kayı ngoba enganxuswanga.
Ikhansili yalelidolobho ithi isebenze logatsha lwezempilakahle ukulungisa indawo lapho lapho abantu abazahlatshwa khona njalo yaphathisa ngemota zama ambulance kanye lezinkulu ezokuthwala ama fridge okulondoloza amajekiseni la emakhazeni.
Umayor walelidolobho uKhansila Somvelo Dlamini uthi osomabhizimusi bakulelidolobho ikakhulu abakumsebenzi wezokwethekelelana owe tourism baphathise ngokunengi-nengi okugoqela amafutha ezimota, imali, lokunye.
Asizweni uKhansila Dlamini, yena othi uzahlatshwa lijekiseni ndawonye lomongameli Mnangagwa, echasisa okunengi ngaloludaba, kungxoxo ayiqhube loSithandekile Mhlanga weStudio 7.
Kusenjalo, ugatsha lukahulumende olubona ngezempilakahle izolo luthe igcikwane leCoronavirus selihlasele abanye njalo abantu abangamatshumi amathathu lantathu 33, kwabhubha ababili, njalo kwahlatshwa abedlula amakhulu ayisitshiyangalombili 841 ijekiseni yakuqala eye first dose wenqabela leligcikwane.
Lokhu kutsho ukuthi umkhuhlane lo sowahlasela abantu abafika phose inkulungwane ezingamatshumi amathathu lasikhombisa 36, 7 thousand wabulala abedlula inkulungwane lengxenye yayo-1, 5 thousand selokhe waqhamukayo nyakenye.