Namuhla lilanga lokuqala lokungayi emsebenzini kwezisebenzi zikahulumende ezavumelana ukuthi zizakuyasebenza kabili kuphela ngeviki ngenxa yeholo elingeneliyo.
Inhlanganiso emela izisebenzi zikahuumende eye Zimbabwe Confederation of Public Sector Trade Unions eyayisazakala ngolokuthi Apex Council yahlangana lohulumende ngeviki edluleyo ikhulumisana laye ngokukhwezelwa iholo owavuma ukuthi uzakhweza ngesilinganiso sokungamatshumi ayiskhombisa lanhlanu, 75 percent.
Kodwa izisebenzi zathi ilutshwane limali ngakho bazakuya emsebenzini kabili nje kuphela ngeviki ngoba imali abayitholayo yenelisa ukuthi baya emsebenini ngalawo malanga kuphela.
Sixoxe lesiphathamandla senhlanganiso elwela izisebenzi eye zctu, uMnu. Ambrose Sibindi ukuze sizwe okunengi ngaloludaba.