amalinks wokungena

Breaking News

Uhulumende Uthi Abantwana Beboarding Bengalokothi Baye Emakhaya Ngekhefu Likazibuse


Abantwana besikolo bephiwa ukudla.

Uhulumende uthi abantwana abafunda behlala ezikolo ema boarding schools bengalokothi baye emakhaya ngekhefu lokunanza ilanga likazibuse kuyonale impelaviki, kodwa behlale lapho abakhona, ukwenzela ukwenqabela ukumemetheka kwegcikwane leCoronavirus.

Lokhu kuvezwe ngumpathintambo kahulumende obona ngokwethulwa kwemibiko uNkosikazi Monica Mutsvangwa ngemva komhlangano ledale leCabinet izolo ntambama, lapho agcizelele ukuthi bonke abaphathi bezikolo kufanele belandele lesi isiqondiso.

Abantwana abafunda eSacret Heart primary le secondary school kanye leFalcon College eMzingwane eMatabeleland South bahlaselwe yileli yiCoronavirus kunsukwana ezedluleyo.

Ugatsha lukahulumende olubona ngezempilakahle luthi igcikwane leli lihlasele abantu abangamatshumi amabili lantathu-23 labulala oyedwa izolo kuphela. Lokhu sokulethe inani labantu asebahlaselwa yileligcikwane selokhe laqhamukayo ngomnyaka odluleyo kunkulungwane ezedlula amatshumi amathathu lasikhombisa, 37 330, labulala abaphezu kwenkulungwane lengxenye yalo 1 543. Asebehlatshwe ijekiseni yokuzivikela kuleligcikwane, sebesedlula inkulungwane ezingamakhulu amabili 218, 516.

Kusenjalo, owayenguSenator weTsholotsho uMnu. Believe Gaule, olilunga lebandla leZANU PF, utshele uSithandekile Mhlanga weStudio 7 ukuthi njengenkokheli, bakhuthaza abantu kulindawo ukuthi bayehlatshwa ijekiseni yokwenqabela i-COVID 19, yona esiphazamise inhlelo ezinengi emaphandleni.

Facebook Forum

XS
SM
MD
LG