amalinks wokungena

Breaking News

Uhulumende Sevuselela Uhlelo Lwama "Green Bomber"


Abasakhulayo laba basetsehnziswa endaweni ezibuthana khona Malunga ebandla leZanu PF.

Uhulumende uthi usevuselela uhlelo lweNational Youth Service, olokulolonga abatsha abaziwa ngokuthi ngamaGreen Bomber abavame ukusetshenziswa yiZanu PF ukutshaya lokuhlukuluza abamabandla aphikisayo ngezikhathi zokhetho.

Umphathintambo obona ngokwethulwa kwemibiko uNkosikazi Monica Mutsvangwa utshele intathelizindaba ukuthi abaphathintambo bakahulumende bathethe isinqumo lesi izolo.

AmaGreen Bomber ake aduma kakhulu ngobudlova kubo2000 lapho ayesetshenziswa yiZanu PF ukuhlukuluza abasekeli beMDC lokutshaya uzulu nje makhaza besithi kumele basekele iZanu PF.

Lanxa abanye benakanela ukuthi uhulumende uqoqa ukusebenzisa abatsha laba ukutshaya abantu kukhetho oluzayo ngo2023, uhulumende uthi injongo yakhe ngeyokubafundisa imbali yelizwe lokuthi bazigqaje ngobuyibo babo.

Ukuhlaziya loludaba uNtungamili Nkomo weStudio 7 uxoxe locubungula ezombusazwe uMnu Mfundo Mlilo.

Facebook Forum

XS
SM
MD
LG