amalinks wokungena

Breaking News

Ingcwethi Kwezempilakahle Ithi Abantu Bengesabi Ukuhlatshwa Ijekiseni yeCovid 19 Lanxa Kube Lenkinga Lenye Yamajekiseni La


FILE - Vials with a sticker reading, "COVID-19 / Coronavirus vaccine / Injection only" and a medical syringe are seen in front of a displayed Johnson & Johnson logo in this illustration taken Oct. 31, 2020.

Kulandela ukumiswa kokusetshenziswa kwejekiseni yeJohnson and Johnson eyokuvikela igcikwane leCOVID-19 usikhwicamfundo uDokotela Elopy Sibanda uthi akufanelanga abantu besabe ukuhlatshwa ama vaccinations, ngoba eletha impilo njalo iphutha lawo lilincinyane kakhulu.

Abantu abedlula inkulungwane ezingamatshumi amabili sebehlatshiwe ijekiseni yokwenqabela iCOVID 19 elizweni.

Udokotela Sibanda, yena othi wemukela umjovo we Sinopharm, yingcwethi eyaqeqetsha ngamajekiseni la, ezifundweni ze vaccinology, njalo uthi uhlezi ewacubungula ukuthi asebenza ngemfanelo, kukanti uyafinyelela lembiko ehlaziya ukusebenza kwawo.

Uthi ngaphandle kombiko owodwa kweleZimbabwe lapho isigulane esaba lohlupho oluthile ngemva kokuhlaba enye yamajekiseni la, akukho okunye okubi osokuvelile.

please wait

No media source currently available

0:00 0:03:41 0:00

Kusenjalo, ugasha lwezempilakahle lubika ukuba kulabantu ababili ababulewe ngumkhuhlane we covid 19.

Kumanani ethulwe izolo lolugatsha luthi kulabantu abangamatshumi amhlanu lantathu, 53 ababanjwe leligcikwane elizweni jikelele.

Kwababhubhileyo ababili oyedwa ngowe harare lomunye ko bulawayo. Inengi lababanjwe igcikwane, abangamatshumi amabili lambili, 22, ngabako Bulawayo.

Kulandele esigabeni seMatabeleland South okulabalitshumi lane, 14 lezinye izigaba.

Facebook Forum

XS
SM
MD
LG