Inkulungwane zabantu emadolobheni eMelika atshiyeneyo bezigcwele emgwaqweni zilindele ukutshengisela nxa ipholisa eletheswa icala lokubulala onsundu lingatholakala lingelacala.
Ukuthethwa kwecala lepholisa leli uDereck Chauvin owabulala onsundu, uGeorge Floyd lugqitshwe izolo lasala ezandleni zabalitshumi lambili abathiwa ngama jurors ukuthi baphe isinqumo sokubana uchauvin ulecala na kumbe umsulwa.
Abamela uChavin bazame ukuthi batshengise umthethwandaba ukuthi uChauvin wayezenzela umsbenzi wakhe kodwa ngokuswelakala kwenhlanhla uFloyd wasesifa ngoba wayevele engaphilanga kahle njalo ethethe izidakamizwa.
Kodwa abatshiutshisi bathi uchauvin ulecala lokubulala ele njongo.
Sixoxe lesizalwane sezimbabwe esihlala ngapha kweleMelika, uMnu. Garry Thwala Jackson, obelandela ukuthoniswa kwecala leli.
