amalinks wokungena

Breaking News

Ezinye Izigaba Zelizwe Zehluleka Ukusungula Inhlelo Zentuthuko Ukuze Zisebenzise Imali Yesikhwama seDevolution


Izakhamizi ezidinga amanzi koBulawayo

Kubikwa kulezinye izigaba zelizwe ezaphiwa imali yokuthuthukisa izabelo eye Devolution Fund zehluleka ukuphuma lenhlelo ezazizabhadalelwa yisikhwama lesi.

Esinye isigaba esaphiwa imali sehluleka ukuyisebenzisa ngese Nkayi. Sixoxe lesakhamuzi se Nkayi, uMnu. Jabulani Hadebe othi badanile ngokungasetshenziswa kuhle okwenziwa imali le.

Isikhwamana se Devolution sasungulwa ngemva kokuvumelana ukuthi simele sibekhona esisekelweni sombuso ngomnyaka ka 2013 kubunjwa isisekelo esitsha.

Owake waba ngukhansila wedolobho le Victoria Falls, uMnu. Ephias Mambume othi imali yasetshenziswa ngemfanelo.

Isiphathamandla senhlanganiso yezakhamizi, eye Bulawayo Progressive Residents’ Association, uMnu. Thembelani Dube utshele lumsakazo ukuthi bakhangelele ukuthi imali le ingaphiwa umanisipala wako Bulawayo kumele ilungisise imigwaqo esingamagodi godi.

Owake wamela isigaba seBinga South edale lephalamende, uMnu. Prince Dubeko Sibanda uthi udubo olukhona yikuthi umethetho olawula ukwabiwa kwemali le awukalungisiswa kusisekelo sombuso welizwe esitsha.

Umphathintambo wezemali, uMnu. Mthuli Ncube wabela isikhwama se deveolution imali engamabhiliyoni amadola eZimbabwe afika phose amatshumi amabili, $19,5 billion.

please wait

No media source currently available

0:00 0:05:37 0:00


Facebook Forum

XS
SM
MD
LG