UMnu. Yoweru Museveni weUganda ugcotshwa namuhla ukuba ngumongameli walelolizwe ngemva kokunqoba uMnu. Bobi Wine kukhetho ngoZimbandlela, njalo umongameli Emmerson Mnangagwa ngomunye wabahlonitshwa abakhangelelwe ukuphatheka kulumkhosi.
Umongameli Mnangagwa ufike izolo eUganda ekhatshwe ngumphathintambo obona ngobudlelwano lamanye amazwe uMnu. Frederick Shava.
UMnu. Wine, yena othi uhulumende ulokhe emkhahlameza kanye labalandeli bakhe, kemukelanga impumela yalolukhetho esithi kwakulokwethusela lokuqilibezela.
EleUganda libikwa lilobudlelwano obuhle leleZimbabwe ngoba lisekela uhlelo lokwabiwa kutsha komhlaba njalo lihlezi lisola amazwe aphetsheya ngokwethesa ilizwe izijeziso zenotho
Umongameli Museveni, owebandla le National Resistance, sowabusa eUganda kusukela ngomnykaka 1986, njalo ilzwe lakhe lathola uzibuse kweleBhilithani ngomnyaka ka1962.
Ukuhlaziya loludaba, uSithandekile Mhlanga weStudio 7 uxoxa loMnu. Rejoice Ngwenya, ingcwethi ecubungula ezombusazwe.
