amalinks wokungena

Breaking News

Ilunga leMthwakazi Lithi Babebanjwa Ngamandla Ukukhuluma Ulimi Lwesi Shona Estokisini Bekhululwa Impahla Mahlayana


Uphawu lweMthwakazi Republic Party.

Umkhokheli wogatsha lwabesifazana kubandla leMthwakazi Repuplic Party uNkosazana Sibongile Banda osanda ukukhululwa ejele yeMlondolozi koBulawayo ngemail yesibambiso eye, uthi impilo ibilukhuni kulindawo ngoba wayebanjwa ngamandla ukukhulula nsukuzonke labanye nxa kudingwa ukuthi abafihlanga lutho ezigqokweni okwakusephula ukholo lwakhe lwesi Moslem, njengoba labesilisa babebukela bebucwadlana.

UNkosazana Banda, lamanye amalunga ebandla lakhe ayisitshiyangalombili, bahlala phose okwenyanga ezimbili ejele, abaselisa beseKhami yena evalelwe loBusi Ncube, kulandela ukubotshwa kwabo betshengisela phambi kwenkamba yamapholisa koBulawayo bedinga umkhokheli walelibandla uMnu. Mqondisi Moyo, ababecabangela ukuthi wathathwa ngamapholisa.

Uthi manengi amalungelo oluntu ephulwayo ejele, agoqela ukuthi izibotshwa ziguqe nxa zikhuluma labonogada, ukutshaywa, ukukhatshwa ngesicathulo, ukubanjwa ngamandla ukukhuluma ulimi lwesiShona, kanye lokuthi abaku remand besebenze gadalala njengalabo abagwetshwayo.

Aisizweni echasisa ngaloludaba kungxoxo ayiqhube loSithandekile Mhlanga weStudio 7.

please wait

No media source currently available

0:00 0:04:21 0:00


Facebook Forum

XS
SM
MD
LG