Ugatsha lwezempilakahle kweleMelika, olwe cdc, solwethule imigoqo emitsha ebalisa ukungagqoki ama mask nxa abantu behlatshwe amajekiseni ecovid 19 womabili, sebengaxhawulana kumbe ukumbambathana emhlane njalo.
Kodwa lolugatsha luthi abangena endizamtshineni kuzamele beqhubeke begqoaka ama mask lanxa behlatshiwe amajikeseni eCovid 19.
Umongameli Joe Biden ugcizelele imigoqo le esithi izolo bekulilanga eliqakathekileyo kwelemelika ngenxa yenyathelo leli.
Kodwa bakhona abasola okwenzakeleyo besithi yikujaha igcikwane lisasesakhona njalo banye bathi ungaze uhlatshwe ungahlangana lomuntu olegcikwane elingumkhakha ongenelisi ukuvinjwa ngamajekiseni eCovid 19 engalithola.
Kulabadlali abadlala inguqu eyeMelika bebgabeqembu lama Yankees abayithona mine mibili ababanjwe igcikwane le coronavirus bona bahlatshwa ijekiseni le Covid 19 kabili.
Esigodlo seWhite House kubikwa imigoqo ihle yekethiswa ngitsho leyokungena emahofisini nxa abantu bejovile.
Sixoxe lesizalwane seZimbabwe esihlala kwele Bhilitane, uMnu. Difa Wajapi Bango saqala ngokumbuza ukuthi ulubona njani loludaba?
