amalinks wokungena

Breaking News

Uzulu Usola Uhulumende Ngokungavoteli Isinqumo Se United Nations Esenqabela Umbhuqazwe Ofana leGukurahundi


APTOPIX Zimbabwe Independence Celebrations

Uzulu uqhubeka esola uhulumende ngokuvota kumanyano weUnited Nations esala ukwamukela iziqondiso eziphathelane lokulondolozwa kwamalungelo kazulu lokwenqabela ukubulawa kwabantu mahlayana ngokwemihlobo, amacala ezimpi kanye lokuvikela imbhuqazwe efana loweGukurahundi.

IZimbabwe ibe ngenye yamazwe alitshumi lanhlanu agoqela eleNorth Korea, iRussia, China, Eritrea, Syria lamanye ale ukwamukela leziziqondiso.

Isikhulumeli sikaMongameli Emmerson Mnangagwa, uMnu George Charamba uthi uhulumende wale ukuvotela iziqondiso lezi ngoba ekwazi ukuthi amazwe afana leMelika afuna ukuzisebenzisa ukugenqula abanye ohulumende njengalokhu okwenzakala kweleLibya kuze kususwe umuyi uMnu Muammar Gaddafi embusweni.

Kodwa inengi lithi isizatho esimqoka ngesokuthi uhulumende wesaba ukuthi engacina efakwa icala ngodaba lweGukurahundi kumanyano weUnited Nations. Sixoxe lelunga leZanu PF uMnu Believe Gaule yena othi lokho akusiloqiniso.

please wait

No media source currently available

0:00 0:03:18 0:00

Ukuhlaziya loludaba sixoxe lengcwethi ecubungula ezombusazwe, uMnu. Mqondobanzi Magonya.

please wait

No media source currently available

0:00 0:03:01 0:00


Facebook Forum

XS
SM
MD
LG