amalinks wokungena

Breaking News

MDC Alliance: Nxa Ibandla leZanu PF Lingabuthanisa Abantu Kulemigoqo yeLockdown Lathi Sizenzenjalo


UMnu. Prince Dubeko Sibanda.
UMnu. Prince Dubeko Sibanda.

Ibandla leMDC Alliance lithi nxa ibandla leZanu PF lingephula imigoqo esiqinisiwe njalo eyokuvimba icoronavirus ngokwenza imuthano labo bazabuthana benze okufanayo.

Umsekeli kamongameli welizwe, uMnu. Constantino Chiwenga wazise ngempelasonto ukuthi izinga lokuvimba ukumemetheka kwegcikwane le coronavirus selikhuphukile ngoba inani lababanjwa leligcikwane seliqonga.

Imbuthano yonke akusamelanga yenziwe ngaphandle kweyemfa, lakho kumele kube labantu abangamatshumi amathathu nje kuphela.

Kodwa kunsuku ezedluleyo ibandla le Zanu PF belisiba lemicimbi elabantu abanengi kakhulu kulenani elivunyelwayo.

Ngokunjalo, umgcinisihlalo webandla leMDC Alliance esigabeni se Matabeleland North, uMnu. Prince Dubeko Sibanda utshele iStudio seve ukuthi ibandla leZanu PF lingalokotha libuthanise abantu labo bazakwenze njalo.

please wait

No media source currently available

0:00 0:04:35 0:00

Kunjalo nje, ugatsha lwezempilakahle luthi kulabantu abalikhulu lasikhombisa ababnjwe igcikwane le coronavirus kumanani awethulwe izolo.

Akulamuntu obulewe ngumkhuhlane we covid 19 kumanani la. Inengi lababanjwa igcikwane leli ngabesigaba se Masvingo, abangamatshumi ayisithupha lane, 64 kulandele ko Bulawayo okulabangamatshumi amabaili lambili.

Inani labajove ijekiseni ye covid 19 kumanani la lokhu liphansi kakhulu, bafika phose inkulungwane kuphela, 967.

XS
SM
MD
LG