Inhlanganiso elwela ilungelo labathengi, eye Consumer Council of Zimbabwe ithi ukukhuphuka kwentengo ezitolo sokubangela ukuthi imuli elabantu abayisithupha sokumele isebenzise imali engamadola eZimbabwe azinkulungwane ezingamatshumi amane, Z$40 682.
Isiphathamandla salinhlanganiso, uMnu. Comfort Muchekeza uthi iholo selehle kakhulu nxa kuqathaniswa lentengo yempahla ezitolo.
Isakhamuzi sako Bulawayo, uMnu. Raymond Phiri uthi amankamponani amanengi ngaweziphathamandla zebandla le Zanu PF.
Usomabhizimusi wako Bulawayo, uMnu. Edwin Ndlovu uthi ukukhwela kwentengo kubangelwa zinhlelo zikahulumende ezingahambi kahle.
Ke sizwe ukuthi uMuchekeza uthi abathengi kumele benzeni ngalesi sikhathi sokukhwela kwentengo yempahla.
Umphathintambo wezemali, uMnu. Mthuli Ncube wazise kumaviki asanda kwedlula ukuba ilizwe lenelise ukuba lemali egcinekileyo ngemva kwendleko yakhe, isurplus. Kodwa inengi liyathandabuza ukuthi kungangi kungakhanyi ukuthi imali le iyangaphi.
