Intengo yokudla lempahla ezitolo isiqonga ngesiqubu ngesikhathi ilizwe liphakathi kokuvalwa ngenxa yobhubhane lweCovid 19.
Umphathintambo wezokwethulwa kwemibiko, uNkosikazi Monica Mutsvangwa utshele intathelizindaba ngempelasonto ukuthi intengo ikhwezwa ngenjongo yokugenqula uhulumende.
Ingcwethi ecubungula ezomnotho, uMnu. Masimba Kuchera uthi imbangela zokukhwela kwentengo zinengi kakhulu:
Isiphathamandla senhlanganiso yezisebenzi, iZCTU, uMnu. Ambrose Sibindi uthi intengo yempahla iqale ukukhuphuka ngeviki edluleyo.
Enye njalo ingcwethi ecubungula ezomnotho, uMnu. Rejoice Ngwenya uthi okungaba kubangela ukukhwela kwentengo ludlakela olwenzakala kwele South Africa.
Umphathintambo wezemali, uMnu. Mtholi Ncube utshele intathelizindaba ngempelasonto ukuthi kuyamangalisa ukuzwa kuthiwa intengo iyakhwela bona osomabhizimusi sebethola imali yangamphandle kwelizwe emkambo wemali lapho elesilinganiso esinganeno.
