amalinks wokungena

Breaking News

Umama uJane Ngwenya Owayengowe Zapu Uphiwa Inhlonipho Yeqhawe Lesizwe


Emathuneni eHeroes Acre

Owaba ngowesifazane wakuqala ukuba kudale elimqoka elebandla le Zapu, iCentral Committee, uNkosazana Jane Lungile Ngwenya, obhubhe ngeviki edluleyo uphiwe inhlonipho yeqhawe lesizwe, inational hero.

Ubeleminyaka edlula amatshumi ayithoba minwe mibili, 86.

UNgwenya walimala kakhulu ngomnyaka ka 1977 kuze kudubuke ibhomba elabulala owayengumholi wevuyo le Zipra kwele Zambia. cNgomnyaka ka 1960 uNgwenya ngomunye wabasungula ibandla le National Democratic Party kuze kuvalwe ibandla le ANC nguhulumende wabelungu.

Ngomnyaka ka 1980 uNgwenya wakhethwa ukumela isigaba se Bulawayo edale le phalamde waba ngumsekeli kamphathintambo wezisebenzi. Akukaziwa ukuthi uzabekwa eHarare na lokuthi nini.

Sixoxe lolwela ilungelo likazulu, uMnu. Mbuso Fuzwayo, ongumkhokheli njalo wenhlanganiso ye Ibhetshu Likazulu.

Kunjalo nje, namuhla likhefu lokunanza abalwa impi yenkululeko ele National Heroes’ Day. Kulombuthano ozenzelwa emathathuneni e Heroes Acre uzangenwa ngabantu abangadluli amakhulu amabili ngenxa yokwesabela ukumemethekisa igcikwane le coronavirus.

EHarare lapho okuzakhuluma khona uMongameli Emmerson Mnangagwa. Imbiko kaMnangagwa izabalwa kuzigaba zonke zelizwe.

please wait

No media source currently available

0:00 0:02:50 0:00


Facebook Forum

XS
SM
MD
LG