Izikolo ziyavulwa namuhla kulokukhonona kwabazali abathi lokhu kulakho ukumemethekisa igcikwane le coronavirus ngoba kungathathwanga amanyathelo okvikela abantwana lamatitshala.
Uhulumende wazise ngeviki edluleyo ukuthi izikolo, ebezivalwe okomnyaka owodwa kulandela ukumemetheka kwegcikwane le coronavirus ngenyanga kambimbitho ngomnyaka odluleyo, ziyavulwa namuhla.
Kodwa bakhona abazali abathi bekungakafiki isikhathi sokuthi izikolo zivulwe ngoba uhulumende ngokwakhe wengezelele ukuvalwa kwelizwe phansi kwemgiqo ye covid 19 esithi umumo awukafiki kusibanga sokuvulwa.
Kusenjalo, uhulumende ubikwa usethule isikhwama esilemali eyizigidi ezingamakhulu amahlanu, $500 million wokwakha izindlu zokufundela, amatende lokokuzivikela ekuthelelwaneni igcikwane lecoronavirus.
Lokhu kwenzelwa ukuthi abantwana baqhelelane ukuzebengathelelani igcikwan le coronavirus.
Umsekeli kamphathintambo wezemfundo ye primary le secondary, uMnu. Edgar Moyo, utshele leliphephandaba ukuthi ubhoda bhode ngezikolo zelizwe wabona zilungele ukuvulwa namuhla.
Sixoxe lesiphahtamandla senhlanganiso yezakhamizi, eye Bulawayo Progressive Residents’ Association, uMnu. Bekithemba Sibindi ukuze sizwe imbono yakhe ngaloludaba.
