Inlanganiso yabodokotela eye Zimbabwe Senior Hospital Doctors’ Association ithi ukwekethiswa kweziqondiso ze covid 19 lockdown kodwa ilizwe liqhubeka livaliwe kusobala ukuthi akusetshenziswanga lwazi lwe science.
UMongameli Emmerson Mnangagwa wehlise iziqondiso lezi zisuka kusibanga sesine, level 4 zehla zaya kuzinga lesibili, ilevel 2.
Lokhu kutsho ukuthi isikhathi sokusebenza kwabamabhizimusi ngelanga sesiyaqala ngo eight ekuseni kusiyafika u nine ebusuku.
Isikhathi se curfew sesizaqala ngehola lika ten ntambama kusiyatshaya uhalfpast five ekuseni.
Amabhawa lama night club azahlala elokhu evaliwe. Abantu sebengabuthena nxa bengedluli ikhulu, 100.
Amabhasi avela emadolobheni ehlukeneyo asevunyelwa ukuhamba. UMnangagwa uthi ukwekethisa imigoqo le kubangelwe yikuthi imizamo enziwa nguhulumende yokulwisana lokumemetheka kwegcikwane le coronairus, ikhanya isebenza.
Inhlanganiso yabodokotela eye Zimbabwe Senior Hospital Doctors’ Association ithi imininingwane ephuma kugatsha lwezempilakahle itshengisa ukuba inani lokuthelelana igcikwane le coronavirus selehle okokuthi okwakathesi okusadingakali ukuthi ilizwe lalelilokhu liphansi kwemigoqo ye lockdown.
Abamabandla aphikisayo bethesa uhulumende icala lokusebenzisa imigoqo le ukwenqabela imkhankaso yamabandla aphikisayo.
Sixoxe lesiphathamandla senhlanganiso elimukisa uzulu ngobhubhane lwe covid 19, eye Citizens Covid 19 Monitoring Mechanism, uMnu. Effie Dlela Ncube ukuze sizwe imbono yakhe ngaloludaba.
