WASHINGTON DC —
Izakhamizi zemaphandleni zithi zilokhe zibhekane lodubo lokusilela kwamabhasi avunyelwa ukuthwala abantu awenkampani yeZUPCO, ikakhulu asuka emizini yazo esiya ema growth points lapho okulamabhanga, ezempilakahle, lemisebenzi.
Amapholisa ahlezi esithi ahluthuna izimota ezingabhalisanga kunkampani yeZUPCO nxa zithwele abantu, ukwenqabela ukumemetheka komkhuhlane weCOVID 19.
UMnu. Khumbulani Maphosa, isiphathamandla senhlanganiso elwela amalungelo oluntu eyeMatabeleland Institute for Human Rights, uthi inyathelo leli alisoze liphathise kakhulu abahlala emaphandleni.