Sokulokuphithizela kwamabandla ezombusazazwe, ikakhulu ibandla leZanu PF, phamibilini kokhetho oluzayo. Ibandla leli belilokhetho lwezigaba, ama District, lapho okuthiwa kuqhamuke udlakela kwezinye indawo.
Iphephandaba le newsday lithi sokuvele mgceke ukuthi kulamaxuku amabili kubandla leZanu PF, elisekela uMongameli Emmerson Mnangagwa kuthi ngakwelinhye icele kube lelisekela umsekli wakhe uMnu. Constantion Chiwenga.
Kumabandla aphikisayo lokhu kungani akuxokozeli kangako ngenxa yobhubhane lwe covid 19 oluvimba imihlangano yama rally yandise ukuba esebambili ngalesi sikhathi sokusele umnyaka owodwa lenyanga ezimbalwa nje kuphela ukuthi kwenziwe ukhetho.
Ukuhlaziya loludaba sixoxe lengcwethi ecubungula ezombusazwe, uMnu. Prince Dubeko Sibanda, owake wamela iBinga esigabeni seMatabaleland North exale lephalamende, engowebandla le MDC Alliance.
