Ukutshengisela kwezisebenzi zenkampani eyama China eye Sino Hydro kuqhubekela phambili izisebenzi zikhala ngokuhlukuluzwa lokubhadalwa ngedola leZimbabwe kodwa izisebenzi ezingama China ziphiwa idola leMelika.
Inkampani ye sSino Hydro yiyo eyaphiwa ithuba, kumbe itender, yokuqhelisa isititshi esigaya amandla kagetsi ese Zesa eHwange.
Kodwa kusukela ngeviki edluleyo izisebenzi zabeka phansi izikhali zisithi zifuna ukuholiswa ngedola lemelika njalo zihlonitshwe.
Omela iHwange edale lephalamende, uMnu. Daniel Molokele, owebandla leMDC Alliance, uke wazama ukungenela kuloludaba ngoLwesihlanu kodwa kwehlula ngoba enye inkokheli yezisebenzi ibikwa ibingafuni ukuthi angenele ngoba kuzakhanya sekungathi sokulezombusazwe.
Sixoxe lesisebenzi salinkampani, okhethe ngokubizwa ngegama elithi Tezhanazo.
