UNkosikazi Alena Douhan wanxuswa nguhulumende we Zimbabwe ukuthi azehlola isimo selizwe phansi kwezijezioso zenotho, amasanctions.
UDouhan ufike elizweni ngeSonto wahlangana lomongameli Emmerson Mnangagwa ngoMvulo.
UDouhan useke wavakatshela amanye njalo amazwe alezijeziso zenotho abalisa ele Qatar, Venezuela le Syria lapho asola khona izijeziso lezi.
UDouhan ubikwa engabhadalwa ngumnayano we United Nations okwenza abanye basole impumela yophenyo lwakhe.
Umsekeli wesikhulumeli sebandla leMDC Alliance, uMnu. Felix Magalela Mafa sibanda usithumele umbiko landelayo ngodaba lwama sanctions.
Njengoba iStudio Seven ingasekelihlangothi, siphinde saxoxa lesiphathamandla sebandla leZanu PF, uMnu. Mabutho Moyo, ongunobhala oqoqa inhlelo zabasakhulayo kubandla leli.